عقلي وكلبي الك

لابس احمر صدره دلع روحي صرخت اه ناره



الشمس جنت من نظره والزمن غير مداره



والنهار اشتمر من دربة يخجل يطالب برد اعتباره



قسم كالوا حور جنه ولقبوه بهل عبارة



وقسم كالوا ماينزل علينه ولو بالدنية مثل هذا خسارة



طال بالسوك جدال من يمر يم لمه يكف العنده بار يعوف باره



خلص ذاك اليو ومسه الغروب الناس طشة واني باقي بانتظاره



لان هو اختارني من الناس كلها وسلب عقلي بكل جساره



روحي متقبل الكعده اتكلي دوره عيوني ليل الشتا باتن سهاره




صرت ليل نهار ادور حتى ملتني الدروب




فلان كالو شات من العقل واختل ما يحس بالمحيط البي قراره



كل هذا فوك نيران الشماته صرت للهم سوك وإخبار ألتجاره



خلص ذالك اليوم من غير حساب واداره



الأيام بينه والزمن شاءت أقداره



ألبصره ما خليت بيه شارع يعتب والسماوه مشية بيه حاره حاره



كثرة الحسبات وهموم الليالي وصار من القهر دم دمعي تجاره



وتعنيت للعاصمة بغداد اسأل بروح ملهوفة وكلبي يجدح شراره



أسالت واحد ابتسم وكال اعرفه مسقط راسه بغداد وسكن حديثه داره



وتعنيت ( ؟؟؟؟؟؟؟ ) او وجنته على الحي تشع مثل الاناره



وصلت داره وكتله ليش بشوفتك تبخل عليه



كال مو بيدي وعلى الوجنه دمعته وصفك يمنينه بيساره



كتله أنوح طول ليلي كال يشهد نوحي الفاقد اوكاره



كتله عقلي وكلبي يمك كال عقلي وروحي وكل اجزائي من يمك سكاره



كتله مو تتشاطر بالعشك كال هلي شهود عندي والعسك مابي شطاره



تحياتي للجميع وارجو من الله ان تعجبكم



(من قولي وليسه من مقولي)