الى بطل كربلاء ابا الفضل (ع)

گبل كربله چانت كلهه صحراء
وما بيهه يخظر للزرع عود
ولكن من سحگهه بجدمه عباس
صارت كربلاء امطرزه اورود
ولو صوتي حلو چا ثقو بالله
لجل عباس اصيرن أنه رادود
واقراله قصيدة المطلع يگول
يبو فاضل وفائك عده الحدود
الغيرة العنده ابد ما شالهه انسان
اوفائه امنسمه للأرض ممدود
نبض گلبه ثكيل ويهدل الحيل
لأن زينب سترهه بنبضه موجود
وانه مدفون دمعي وصعبه ينشاف
مثل ميت عليه اللحد مسدود
ولكن لمن اسمع طاري عباس
أشوف الدمع يلطم فوگ الخدود
وما موجود داخل گبره عباس
ألعباس يم الباري موجود
والموجود داخل گبره يا ناس
وفائه وجربته والكرم والجود



زيــــــــن وناس اكو ومــــــــــاعندك عيـــــــــون انا عيون عندي وماشفت نــــــاس
كبل عبــــــــــاس اكو بس مالكه جفــــــــــــــوف هسه جفوف اكو بس مــــاكو عباس