التمثال

صغت عــــــــمري علطولك ثوب للعيد
ونمــــنم عــــلصدر طـــــرزت السنيين
هـــــاك عــــــيوني اخذه وأخذ الجفون
وخذ كلي ويكـــــــلك واجمــــــع أثنين
نص بروحي انت واني نص بيـــــــــــك
اذن واحــــــد حبيبيي شـــــلون نصين
اجمعــــــنة بضميرك شــــوف شيصير
معقــــولة الحصـــــيلة الــــــناتج أثنين
انة البيك عـــــــــايش وانت بيه تعيش
روح بروح لا تندهنــــــي غــــــــــافين
بوسة شلون ابوســــك انة حـــاير بيك
اذا كلك شمس جــــــــــا شفتك ويـن
انطبك نور الوجــــه ونــــــور الـــــعيون
ويا شفة التكحمك وانــت النـــــــورين
نورك من يشــــــع ما كحمته عــــيون
اذا كل خد شمس هذا انت شمسين
فرد اكبــــــال شخصك وانت اجـــــيال
ويا فرد الكــــــدر يوصفـــــــلة جـيلين
مرة اتورطت كلت انة ادوخن بيـــــــك
شفت قلمي ورقتي علـــــيك ميتيـن
كل اهل الوصف ما كدروا يوصـــــفوك
وعلى طــــولك صفوا كلهم مجانيـــن
حقة حــسنك اسطورة وطولك التاريخ
وبيـــــك اتبــــــركوا كــــــل المحبين
من تمشـــــــــي الشجر يتمازح وياك
ويخـــــضر جــــــوري علصــــــفحتين
شعرك لـــــيله سودة وعينك النجمات
شفافك عســــــــل وخــــدودك التين
بجيلك ما شفت مثل الجـــــمال البيك
والله انت جمالك مــــــاكو شخصــــين
عليوسف بجــــــمال الــــوادم يوصفون
بيك انوصف يوسف عمـــــرة ســـنتين
قيـــــــــس وعـنتر بذاك الوكت ذكروك
خذوا منك وصـــــف وصــــــفوا محبين
اذا نضرات عينك تشفي الامــــــــراض
يقينا لمســـــت اييدك تحـــــي ميتين
احب كلــــــــــــك وكلك جـــــنك العيد
وتعيد شلــــــع كـــــــــــل المسلمين