لاتلظم الابره بخيــــــــــــــــــــط من دخان
تسر حلكَ الفتكَ .. وتـــــــــوسّع اجـروحه
ولتظن كـل حبل تتمـــــــــــــــــرجح اعليه
عمر حبل الـكــذب ماصــــــــــار مرجوحه
واذا قرص الشمس مـــال اعله وجه الكَاع
لتورط الـجفوف بـواهـــــــــــس .. انلوحه
مو كلمن ركَـــــــــص .. كَالو عليه فرحان
تصح تركَص نعـــــــم .. بس هيه مذبوحه
عـدّن بالمزاج .. ومــوش غشمـــه بسوكَ
كَيش الماي ماضــــــــــــاع اعله سابوحه
درينه الكَاع صبخه .. وماتعــــــيش ورود
شتلناهن غصب .. ومعــــــاند ملـــــــوحه
وتضحك عالمساحــــي ! شمالها الكَيعان؟
مسامات الخجل بكَصــــــصها ممســــوحه
لازال الربد .. شـــــــــاعر بطـــوله السان
بختها بـﭽف فلحـــــــها القابضــه الروحه
احذرك .. لاتدكَ وتكَـــــــــــــــول بالبسمار
لان اول ضحــــــــــــيه الدكَك اللــــــــوحه
تتعمّد شجاك .. اتسمّــــــــــــــع العـــذال!!
تدكَ الباب ليش؟ .. وهيّـــــــــــــه مفتوحه
عين الدرب شامــــــــت والوكــت خطوات
لتذل العمــــر بالجيه .. والــروحـــــــــــه
قمصاني كَضـــــــن .. شنطـيك من اعذار؟
وبعدهه الروح وســـــــــط البير مطروحه
جوز من النواعي بديــــــرة الايتـــــــــــام
ولتبيع الدمع .. عالما بطــــــــــــــل نوحه
حمامة دوح روحي معلمــــــه اعله النوح
اشتبـﭽيني .. دمعتــي بخــــدي مفضوحه
موضوع: خيط من دخان 
الجمعة يونيو 04, 2010 4:45 pm
