--------------------------------------------------------------------------------
:..**..تـلاگـينـة..**..
:ووگف كلشي ابحركة الكون
:بس خطواتك وخطواتي احس بيهن
:ودگ السر الاحدب وسط روحي اجراس:
:وافتلّت اوراقي الچنت طاويهن:
:الشـارع شالنه حد ماوصلنة الغيم:
:وانتحرن جروحي وچلبت بيهن:
:ها....... نتلاگة هسه وها الراح ايهون:
:زعلانات مني وبيك اراضيهن :
:اني ما بينك وما بينهن محتار :
:تلچمهن واگلهن بيك اداويهن :
:كلما تقترب جرح السنين ايطيب:
:يلتم .. والثواني اخيوط اسوّيهن :
:اهي لحظات .. بس لمّت هواي جروح:
:ماطابن بروحي . . وكل سنة اچويهن :
:اسولف وية روحي ها ... بعد خطوات:
:ما گلك شلون .. ومنو اليمشيهن :
:منك خطوة مني المهم خطوة اتصير:
:متهمني المسافة المهم نمشيهن :
:ولو محتار بس شاءت الصدفة اتصير:
:اشوفك والسنين الضايعة الگيهن :
:بس احتار من لاحن ابعيني ادموع:
:ينتضرن شسّوي ؟ احبسهن ؟ ابچيهن ؟:
:وارد مجبور اموّتهن ابعين الشوگ ؟:
:اعلى گد ما اعبرك وارجع ارثيهن ؟:
:اني احلم بالأحلام الظالات انقا :
:الم الضال منهن واحلم ابنيهن :
:بيت .. وباب .. وچايات حلوة وياك:
:نيران الشماته اشموع اسويهن :
:لا تلتفت گتلك لا وكتنه ايضيع :
:ميل ايعد ثواني وخطوة تمحيهن :
:اني تيهت روحي وگلت وين تروح :
:يم روحك سوية وهسه نلگيهن :
:حلم بي غمضت عيني ومشيت وياك :
:بي يمك حچيت المستحي احچيهن :
:بچيت .. وبستك وطفيت بيك الغي :
:واشتعلن اضلوعي وگتلك اطفيهن:
:بس فزيت .. وعيونك اتضيع اهناك:
:من كلش وصلنه وركزت بيهن:
:من مديت چف .. امحنّة چنت اتريد:
:اشوف اطراف اصابع ردت احنيهن :
:من خليتك وزعلن اجدامي وياي :
:من گالن انريدة وگلت اخليهن:
:انتهى كلشي وبديه سديت باب الشوگ:
:وانترسن عيوني ويردن ( اچفيهن ):
:وما لوليت من رادت اسراري اتنام:
:دگ نايك بروحي وگمت اغنيهن