بطلت الشعر

--------------------------------------------------------------------------------

بطلت الشعر ما اكتب اشعار
لان انت بجمالك غزل شاعر
كل معنى الاكتبه لايك اعليك
وعليك مفصله كل الخواطر
اذا رايد اوصفك ابتدي منين
كلك على بعضك آية صاير
بحور الشعر ضاعت وي الرموش
ويم الشفه وزن الشعر حاير
عينك من تطرها سهم جتال
وكف رمشك مثل وكفت عساكر
مرسومه الحواجب رسمت السيف
يعني بالحواجب سيف شاهر
شعرك منسرح ذب عالمتن ليل
اووجهك بالبياض الكمر صاير
اذا تمشي الكواكب توكف اجلال
وتكول الشمس ما اطلع لباجر
بشهر رمضان اذا تطلع على الناس
كلمن شاف وجهك صبح فاطر