بقلم الشاعر الشاب ( احمد الخيال)
يـــوم عـــرســـك
سيف بركبتي وانذبح كل يوم
من يوم اسمعت هلهول خطارك
بدلت حبك بالماتعرفة شلون
وتركت الغريب يكسر حجارك
سلمتة نفسك ماتعب من جاك
دليتة اعلى روحي ونزفت اسرارك
كبل من المسك بين ايدية تذوب
وبأحضان الغريب اليوم شخبارك
حبلك شمرتة وصعد لي فوك
ودفى بسعفك واخذ جمارك
صدك غصنك خدر والدنيا دارت بيك
وبين ايديه انطفت يالمشتعل نارك
صدك ضمك لصدرة وغمضت عيناك
والتفت عليه يالبايع اسوارك
صدك جاس الكتبتة ومامنعتة ايديك
وفتح لحنك قراه وعزفت اوتارك
ضنيتك تضل تتحمل وياي
شو راح وتركني لوحدي قطارك
شنسى بيا طريقة الجان
وانه بكل كتر من جسمي اثارك
كل ساعة ابجي وانسحك بالصار
واكول الراح راح المن أتنى يم دارك
ضليت انتة صح وانة غلطان
دشوف شفادتك دوامة افكارك
بعت حبي ونكرتة ورحت للغير
بس ياكلب هذا يصدك اعذارك
نارك طفت من ودعتني هناك
روحي ملظن بعد تستانس بنارك
سيف بركبتي وانذبح كل يوم
من يوم اسمعت هلهول خطارك