ما ذا تعرف عن الوداع

وادعيني...

وادعيني بكد عذابي
بكثر شوغات الكلب من تجفين
عني
وادعيني
وهاج روحي مني سلبي الروح
مني
روحي واخذي وياج صبري
وحيل حيل اجسي علية
ولا تحني
يل علميتيني الدموع
ولبسيتيني السواد بزغر سني
يل اخذتيني امنديتي
وعلى ناي المواجع
كمت اغني
خلني ...
ياصبري الجفاني
بغيبتج للنوح
خلني
اي مو جنت ضحجت يتامة
شمالة وكتي يكود
بية الضيم حزني
وادعيني
ابلا كلام
بلا سلام
بلا جفن جافة المنام
بلا ذكر حبنة وسواليف
الغرام
وادعيني
ابلا وداع ...
خاف اخرن وي دمعتي
انوب جني
وخاف اتبدة اعلة جدمج
ومني شتلمين
مني ...!!!
وادعيني
ومرة حني
ومن تمرين بدربنة
ومن تشوفيني تراب
ابهيدة
بوسي الزاد مني
ترة هذا هوة الزاد
مني